Кулун тутар 18-19 күнүгэр Дьокуускай куоракка «Барҕарыы» пуонда 35 сыллаах үбүлүөйдээх тэрээһиннэрин чэрчитинэн «Барҕарыы» II Өрөспүүбүлүкэтээҕи саха тылынан кэмпириэнсийэ буолар.
Кэмпириэнсийэ сыала – чинчийэр үлэ нөҥүө оҕо айар, ырытар, анаарар дьоҕурун, сахалыы саҥарар-толкуйдуур сатабылын сайыннарыы.
Кэмпириэнсийэҕэ 17 улуустан уонна Дьокуускай куораттан улуустааҕы, куораттааҕы түһүмэх кыайыылаахтара, 400 тахса оҕо, кыттар. Билим бары хайысхатынан 18 сиэксийэ үлэлиэҕэ. Оҕолор дакылааттарын билим эйгэтиттэн 57 эспиэр сыаналыаҕа.
Бырагыраама
Кулун тутар 18 күнэ:
Буолар сирэ: Ойуунускай уул., 37, Өрөспүүбүлүкэ лиссиэй- интэринээтэ
09:00 – Бэлиэтэнии
09:30 – Түһүлгэни арыйыы
09:45 – Эспиэр тэрээһин мунньаҕа (аактабай саала)
10:00 – Хайысханан үлэ
13:00 – Эбиэт
14:00 – Хайысханан үлэ
17:00 – Хайысханан түмүк таһаарыы, наҕараадалааһын
17:30 – Доҕордоһуу киэһэтэ, оонньуу, үҥкүү
Хайысхалар
1.1.Тылы чинчийии
1.2. Литэрэтиирэ, айымньы тыла-өһө
1.3. Тылы тэҥнээн үөрэтии
2.1. Педагогика уонна уйулҕа билимэ (7-9 кылаас)
2.2. Педагогика уонна уйулҕа билимэ (10-11 кылаас)
3.1. Култуура уонна ускуустуба (7-8 кылаас)
3.2. Култуура уонна ускуустуба (9-11 кылаас)
4.1. История уонна археология (7 кылаас)
4.2. История уонна археология (8-11 кылаас)
5.1. Кыраайы үөрэтии (7-8 кылаас)
5.2. Кыраайы үөрэтии (9-11 кылаас)
5.3. Сири-дойдуну чинчийии. Айылҕаны харыстааһын
6.1. Мэдиссиинэ
6.2. Химия, биология
- Математика
- Физика, астрономия, тиэхиньикэ
- Информатика, IT
- Экэниэмикэ, бэйэ оҥорон таһаарыы
Кулун тутар 18 күнүгэр 10 ч. учууталларга анаан «Оҕону иитэр-үөрэтэр сахалыы эйгэни тэрийии» сэминээр буолар (Ойуунускай уул. 37, Өрөспүүбүлүкэ лиссиэй-интэринээтэ, аактабай саала).
Кыттыыны ылаллар: СӨ Билим Академиятын Тылы үөрэтэр, сайыннарар киинэ, «Кэскил» оҕо бэчээтин кыһата, «Төрөппүт көҕүлээһинин киинэ», «Айыы Кыһата» Национальнай гимназия, «Күөрэгэй» түмсүү, «Күн» оҕо хамсааһына.
ФОРСАЙТ-СЕССИЯ
Кулун тутар 19 күнэ
Буолар сирэ: Орджоникидзе уул, 1, Саха академическай тыйаатыра.
10:00 «Барҕарыы» кэмпириэнсийэ Кылаан кыайыылаахтарын эҕэрдэлээһин.
10:30-13:00 Үөрэх, култуура, спорт, урбаан эйгэтиттэн биллиилээх дьон, блогердар, артыыстар кыттыылаах форсайт-сессия.